RUS
Алматыдағы Медеу аудандық ПБ ювеналды полиция бөлімінің инспекторы бірнеше күн бойы полицияда есепте тұрған 41 жастағы Х. есімді азаматшаның отбасын тексеруге әрекеттенген.
Ведомствоның учаскелік инспекторы Айжан Бутабаева аталған әйелдің отбасын биылғы жылдың мамыр айында тіркеген. Балалардың анасы Алматыға Павлодардан келген. Тексеру кезінде әйел байланысқа шығуға құлықсыз болған.
- Кезекті тексеру барысында, 8 тамызда бірдеңенің дұрыс емес екенін сездім: үйде дыбыстар естілді, бірақ есікті ешкім ашпады. Менің дабылым бойынша оқиға орнына жергілікті учаскелік инспектор, ТЖД қызметкерлері мен қамқоршылық өкілдері тартылды. Есік күшпен ашылды. Сараптамамен расталғандай, әйел үйде “орташа дәрежедегі” алкогольдік масаң күйде болған. Үйдің іші өте лас болды, - дейді инспектор.
Сондай-ақ Polisia.kz сайтының дерегінше, әйел 2016 жылы туған қызына, 2018 жылы туған ұлына және 2020 жылы туған екінші ұлына дұрыс күтім жасамаған. Балалар бірден өмірлік қиын жағдайға тап болған балаларға қолдау көрсету орталығына жеткізілген.
Медеу аудандық полиция басқармасы басшылығының айтуынша, іс материалдары жинақталып, әйелді одан әрі ата-аналық құқығынан айыру үшін 2023 жылдың 18 тамызында кәмелетке толмағандардың құқықтарын қорғау комиссиясына жолданатын болады.