«Мемлекеттік құпия»: Астана әкімдігі 42 млрд теңгенің инфрақұрылымдық жобасына қатысты жауап берді

Аиса Махамбет Редактор
16.02.2024, 14:31
368
«Мемлекеттік құпия»: Астана әкімдігі 42 млрд теңгенің инфрақұрылымдық жобасына қатысты жауап берді Мәжілістің баспасөз қызметі

Үшінші стансаны салуға 42 млрд теңге жұмсалған.

SMARTNEWS басылымының хабарлауынша, Астана әкімдігі Kazinform халықаралық агенттігінің сауалына жолдаған жауабында «Интернациональный» тұрғын алабындағы су сорып, сүзетін үшінші стансаны салуға жұмсалған 42 млрд теңгенің қалай игерілгені туралы егжей-тегжейлі мәлімет беруден бас тартты.

Былтыр жазда Астана тұрғындары су тапшылығын қатты сезініп, «Интернациональный» тұрғын алабындағы үшінші сорғы-сүзгі станса қолданысқа берілген болатын. Кейін ол нысанды Мәжіліс депутаттары аралауға барып, жобаға «МГҚК ҚазҚұрылысСервис» АҚ бас мердігер ретінде тартылғаны, 42 млрд теңге жұмсалғаны мәлім болған. Дегенмен, Мемлекеттік сатып алу порталында аталған жобаның конкурс мәліметтерін табу мүмкін емес. Соның себебін, жобаның техникалық-экономикалық негіздемесі мен сметалық құжатын сұраған редакция сауалына әкімдік мынандай жауап берді:

«Жоба 2014 жылы әзірленген және жобалардың мемлекеттік ведомстводан тыс сараптамасының оң қорытындысын алған «2023 жылға дейін сумен жабдықтау және су бұру жүйелерін дамыту» бекітілген техникалық-экономикалық негіздемесі негізінде әзірленді.

Көрсетілген объектінің құрылысы қолданыстағы заңнама нормаларына сәйкес әзірленген және бекітілген жобалық-сметалық құжаттамаға сәйкес жүргізілді. Жобаның құнын «Жобалардың мемлекеттік ведомстводан тыс сараптамасы» РМК-нің аттестатталған сарапшылары растады.

Жобаны қаржыландыру республикалық бюджеттің қаражаттары есебінен жүзеге асырылды.

Жобаны іске асыру шарттары Қазақстан Республикасының сәулет, қала құрылысы және құрылыс саласындағы заңнамасының талаптарына сәйкес келеді. Жобаны әзірлеуші — «СтройТех-Мастер» ЖШС, бас мердігер — «НГСК КазСтройСервис» АҚ. Жобаның құны көптеген факторларға тәуелді. 

…Оларда мемлекеттік құпияларға жататын мәліметтердің болуына байланысты техникалық-экономикалық негіздеме мен жобалық-сметалық құжаттаманы ұсыну мүмкін емес», — делінген Астана қаласы Энергетика басқармасының жауабында.

Әкімдік жобаның мердігері ретінде неге «МГҚК ҚазҚұрылысСервис» АҚ таңдап алынғанын түсіндірген.

«Жобаның әлеуметтік маңыздылығын, 2021 жылы қаржыландырудың болуына қарамастан оны мүмкіндігінше тезірек жүзеге асыру қажеттілігін ескере отырып, қала басшылығы бас мердігер ретінде техникалық күрделі жобаларды жүзеге асыруда тәжірибесі бар компанияны жеткілікті материалдық және қаржылық ресурстармен қамтамасыз ету туралы шешім қабылдады.

«Мемлекеттік сатып алу туралы» Қазақстан Республикасы Заңының 39-бабының 3-тармағының 56-тармақшасына сәйкес мердігер ұйым Қазақстан Республикасы Үкіметінің 2021 жылғы 17 шілдедегі № 495 ҚБПҮ (таратылуы шектелген қызметтік ақпаратты қамтитын «Қызмет бабында пайдалануға арналған» құжат — ред.) Қаулысымен айқындалған», — деп жазылған жауапта.

Алаяқтар су тасқыны кезінде қайырымдылық үшін деп жұрттан ақша жинай бастаған «Ақша табуым әкеме тартқан»: Айжұлдыз Адайбекова әкесін есіне алды «Адам құрлы көрмейді»: Жазира Байырбекова тұрмысқа шықпаған аруларға үндеу жасады «Қайраттай бала тәрбиелеп алсын!»: Роза Әлқожа әріптесі Гүлзира Айдарбекованың туған күнінде ерекше жазба жариялады «Ешкім ешкімге міндетті емес»: Белгілі блогер су тасқыны кезінде сынға іліккен шоу-бизнес өкілдеріне араша түсті Су тасқынына байланысты жалған ақпарат таратқандар қылмыстық жауапкершілікке тартылады Ресейлік танымал визажист Гоар Аветисян марқұм Салтанат Нүкенованы қолдағаны үшін экстремизмге қарсы тексерілуі мүмкін «Денелерінен жағымсыз иістер шыққан»: Шымкентте ер адам асырап алған балаларына жын шығаруды үйреткен Астанада ауыл шаруашылығы жәрмеңкесі қайта ашылды Шығыс Қазақстанда «Starlink» ғаламтор желісі ауылдық мектепте іске қосылды Мамырда қатарынан үш күндік демалыс беріледі Табиғи сипаттағы төтенше жағдайлар салдарынан зардап шеккендерге келтірілген залалды өтеу қағидалары қандай? Тұман, дауыл, көктайғақ: 12 сәуірге ауа райы болжамы жарияланды «Балаларыңды қарғаймын деп қорқытты»: Байжанов Бишімбаев көрсеткен қысым туралы айтты «Билет алып қойдық»: Гүлзира Айдарбекова су басқан өңірлерге баратынын айтты (видео) «Кәрім Мәсімовтің көмекшісі»: Әнші Индира Елемес күйеуін алаяқтық жасады деп айыптағандарға жауап берді «Бишімбаев баланы басып өлтірді». ІІМ Нүкенованың анасы айтқан сөзін тексеріп жатыр «Қиын-қыстау, қилы заманда»: Сырым Әуезхан халыққа кең тараған әні үшін кешірім сұрады «Пәтер құны – 200 мың еуро»: Тәуекел Мүсілім Түркияға қоныс аудармақ «Шаршағаным басылып қалды»: Құлсары қаласының тұрғыны өңірге барған Димаш Құдайбергенге алғыс айтты