RUS
SMARTNEWS.KZ басылымының хабарлауынша, Мақпал Жүнісованы әкімнің атынан алдамақ болды.
Әнші Мақпал Жүнісова WhatsApp желісінде Алматы қаласының әкімі Ерболат Досаевтың атын жамылған алаяқтармен жарты сағат хат алмасқанын айтады.
«Маған Алматы қаласы әкімінен WhatsApp-қа хат келді. Мен «Ереке, рақмет» деп жарты сағат қойған сұрақтарына жауап беріп отырсам, мені алдаған екен. Сіздер де алданып қалмаңыздар», – деп жазады әнші.
Жазбаның астына әнші Мәдина Сәдуақасова да пікір білдірген.
«Аңқылдаған Мақпал апам-ай. Баяғы заманда осылай хабарласа беретін бәрі. Қазір көмекшілері арқылы байланысқа шығады ғой», - деп жауап берді.
Ал екінші бір жазбасында әнші «Небір жындылар баршылық екен» деген жазба қалдырды.