RUS
Көкшетау тұрғыны Айгүл Әубәкірова екі інісін бірдей полицейлер соққыға жыққанын айтып, видеоүндеу жасады. Бұл туралы KYN.KZ ақпарат агенттігі хабарлады.
Оның айтуынша, 18 жастағы Нұрәлі мен 17 жастағы Нұржанға күндіз жолда кезекшілікте жүрген элиталық "Арлан" полиция бөлімінің қызметкерлері шабуыл жасаған.
"Іскерлік сапардан қайтып келе жатып, олар Көкшетауға бара жатқан жолда төтенше жағдай туғызды. Содан кейін олар еш себепсіз тоқтатты. Тоқтаған соң полиция қызметкерлері денелеріне зиян келтіре бастады, оларды өз еркінен тыс қызметтік көлікке отырғызды, содан кейін орманға апарып, ұрып-соғып, өлтіремін деп қорқытты, қорлады", – дейді ол.
Қазіргі кезде полицейдің соққысын алған бауырлары ауруханада жатыр. Сүйектері сынып, миы шайқалған, денелерінде сызат пен көгерулер пайда болған.
Айгүл Әубәкірова "Арлан" бөлімшесінің қызметкерлеріне қатысты тергеу дұрыс жүргізілмей жатқанына наразылығын білдіреді. Ол жерде бес адам болған көрінеді. Соның тек екеуіне ғана қылмыстық іс қозғалған. Ақмола облыстық полиция департаменті қызметкерлерді жұмыстан шығардық деп мәлімдеген.
Көкшетау тұрғынының бұл видеоүндеуіне Ақмола облысының полиция департаменті қатысты пікір білдірді.
"Полиция қызметкерлері мен екі ағайынды арасындағы жанжалдан кейін полиция қызметкерлеріне қатысты қылмыстық іс қозғалып, тергеу амалдары жүргізілді. Тергеу мүдделері жария етілмейді. Тергеу барысы ішкі істер министрлігінің бақылауында", – деп хабарлады ведомстводан.