RUS
SMARTNEWS.KZ басылымының хабарлауынша, кеше Ресейдің зымыранмен атқылауының нәтижесінде балалар ауруханасы үлкен қирандыға айналды. Ондағы ем алушы балалар зардап шегіп, 3 бала қайтыс болды. Бұл туралы ел президенті Зеленский мәлімдеді.
«Елде бас-аяғы 100 астам ғимаратқа зиян келтірді: балалар ауруханасы, тұрғын үйлер, балабақша, перзентхана, колледж, бизнес-орталықтар. Оқиға орнында қирандыларды жинау жұмыстары жүріп жатыр», – деді Зеленский.
Зымыран шабуылынан Киевтегі «Охматдет» балалар ауруханасының бір бөлігі бұзылды.
Киев тарабы Ресей ракеталарды Каспий теңізінен жібергенін айтады. Бүкіл Украйын аумағында дабыл қағылды. Ел ішінде ракетаға қарсы жүйелер іске қосылған. Ел президенті Владимир Зеленскийдің хабарлауынша, Ресей 40-тан аса ракета атқан.
Ал Ресей қорғаныс министрлігі әскери мекемелері мен авиациялық базаларына шабуыл жасамағанын, азаматтық нысандарды зымыранмен атқыламағанын айтады. Мәскеу Киевке зымырандар Украйынның зымыранға қарсы құрылғыларынан түсті деп отыр.