RUS
Smart News басылымының хабарлауынша, бір апта бұрын атауы «Qarmet» деп өзгерген «АрселорМиттал Теміртау» компаниясының жаңа логотипі жасалды.
Компания жаңа логотипіне түсінік бере отырып, ондағы сызықтар таудан шыққан күн бейнесі екенін жазған.
"Qarmet" деген жазу - бұл кәсіпорынға қайтарылған тарихи атауы. Логотип таудың үстінен шыққан күн түрінде жасалған. Тау Теміртау қаласын көрсетсе, атқан таң - "жаңғыруды" білдіреді. Компанияның жаңа басшылығы комбинаттың даңқын, металлургтер мен кеншілер мәртебесін, қоршаған ортаны қалпына келтіру ұранымен жұмысқа кірісті, - делінген компания хабарламасында.
Компанияның жаңа бейнесі өзгергенмен, желі қолданушылары арасында «Qarmet-тің» жаңа логотипі американдық «Magma Blue Studios» компаниясынан ұрланған деген ақпарат тарады.
Жоғарыдағы суреттен екі компания логотипінде де күн шұғыласына ұқсас сызықтар дәлме-дәл күйінде қайталанғанын байқауға болады.
Ал компания логотип ұрлығына қатысты мәлімдеме жасамады.