RUS
ШҚО полиция департаментінің көші-қон қызметі басқармасы облыс аумағында тұратын қос азаматтығы бар тұрғындарды анықтау жұмысын жүргізіп жатыр.
ІІМ ресми мәліметінше, жыл басынан бері Қазақстан азаматтығынан айырылғандардың 250 фактісі тіркелген. Негізгі бөлігі Ресей Федерациясының азаматтығын алған адамдар. Шетел азаматтығын алу фактісі туралы белгіленген мерзімде хабарламағаны үшін 31 адам әкімшілік жауапкершілікке (ӘЖ) тартылған.
Аталған факті бойынша көші-қон қызметінің қызметкерлері Алтай қаласының 25 жастағы тұрғынын анықтаған. Ол 2023 жылдың шілдесінде көрші елдің азаматтығын алып, бұл туралы билік өкілдеріне хабарламаған. Сол үшін ол құқық бұзушы ӘЖ тартылды. Жас жігіттен ҚР азаматының жеке куәлігі мен паспорты тәркіленген. Сондай-ақ ол Қазақстан азаматтығынан айырылмақ.
- Қолданыстағы заңнамаға сәйкес енді шетелдік азамат Қазақстанға алдағы 5 жылда кіруге болмайды. ШҚО ПД көші-қон қызметі Қазақстан Республикасының Конституциясына сәйкес, елде қос азаматтыққа жол берілмейтіні туралы еске салады және көші-қон заңнамасын сақтауды сұрайды, - дейді ІІМ-нің баспасөз қызметі.