RUS
SMARTNEWS.KZ басылымының хабарлауынша, Маңғыстаулықтарға ерекше таныс такси әже биыл жетпіс жастан асты. Бұл туралы Kazinform жазды.
Алғаш рет тұрмыс жайымен отбасын асырау үшін темір тұлпарды тізгіндеп, көліктің рөліне отырған Гүлшара Жолдасбаева Маңғыстаудың дүйім жұрты жақсы таниды. 49 жасында нәпақа табу үшін такси атанған әже 25 жылдан бері жолаушы тасып жүр.
Егде тартқанына қарамастан кейуана Ақтау қаласы Маңғыстау ауданының орталығы Шетпенің арасында жолаушы тасуды бүгінде өзгермейтін үрдіске айналдырған.
«Өмір болған түрлі жағдайлар адамның басынан өтеді ғой. Бірақ тағдырдың ауыртпалығы деп қол қусырып отыра берген еш адамға жараспайды. 90-жылдары менің отбасымды асырау керек болды. Сол уақытта балаларым кішкентай еді. Әрі жолдасым да болмады. Сондықтан ер адамның жұмысына араласуыма амалсыз тура келді», — дейді такси әже.
Гүлшара Жолдасбаева бастапқыда ауыл ішінде такси болған. Кейін Ақтау мен Шетпе кентінің арасында қатынайтын жолаушыларды тасымалдауға көшкен.
«Ауылда такси болып әбден үйренген соң араға 4-5 жыл салып Ақтау мен Шетпе арасында жолаушы тасымалдауға көштім. Көлікке отырарда адамдар таң қалатын. Көбі әйел жүргізуші деп сеніңкіремей, отырмайтын. Алайда кейін мұндай жағдай сап тыйылды», — деп еске алады қарт таксиші.
Күнде такси болғалы бері әженің тұрақты жолаушылар да пай болған. Олардың алдың 15 жылдан бері Гүлшара Жолдасбаева тізгіндеген көлікке отыруды өздеріне міндет санайды.
«Қанша жолда жүрсем де осы күнге дейін жол ережесін бұзбаппын. Жылдамдықты да шамадан тыс асырған кезім болған емес. Жолаушы үшін күннің уақытына қараған кезім болмады. Ауруханаға, әуежайға кешіккен адамдарды да уақытынан кешіктірмей жеткізген кездерім болды. Таксиліктен тапқан қаржымен бала-шағамды өсірдім. Тіпті, көлік сынған сәтте өзім жөндейтінмін», — дейді Гүлшара Жолдасбаева.
Әдетте таксиді кәсіп қылғандардың қартамысы болса да олардың барлығы ақ сақалды аталар екені белгілі. Алайда өзге өңірден келген әженің көлігіне отырған сайын таңданыстарын жасыра алмайды. Әжеміздің айтуынша, ол кісі Маңғыстау ауданына қарасты Жыңғылды ауылында дүниеге келген. Бүгінде үш ұлы мен төрт қызынан туған 22 немере-шөберелері әжесіне асқан зор құрметпен қарайды.
Айта кететін жайт, әжей 1999 жылдан бері такси қызметі үшін 6-7 рет көлік алмастырған. Әуелде көпшілікке «Москвич 412»-ні де тізгіндеді. Кейін «шестерка» атымен танымал «Жигули 2106» көлігін мінген. Бері шетелдік көлікке отырып, «Опельмен» талай елді жетер жеріне жеткізді. Бүгінді «Тойота камриде» жүрген апа Гүлшара Жолдасбаева Маңғыстаудағы бірегей такси.
«Өмірде істейтін жұмыстан қорқыдың қажеті жоқ. Білекті сыбанып кіріссең сен алмайтын асу қалмайды. Ең бастысы адамда табыс табуға деген ниеттің болуы шарт. Өзіңнің жұмысынды асқан махаббатпен адал атқарсаң табысты боларың анық», — дейді такси әжей Гүлшара Жолдасбаева.