RUS
SMARTNEWS.KZ басылымының хабарлауынша, танымал өнер иесі Дариға Бадықова оқырмандарын жақсы сөйлеуге шақырды.
Өнер иесі айтылған жаман сөздің өзіңе қайтып келетінін еске салды.
Бәріміз кезекте тұрмыз! Келесі кімнің кезегі екені белгісіз! Сол үшін артық сөйлемеген дұрыс-ау! Ең құрғанда, баламыздың алдын кесіп сөйлемейік. Тіліңнен көр, – деп жазды актриса.
Айта кетейік, Олжас Абай Бадықованың қатал мінезін айтып, сөзді сүйектен өткізетінін жасырмаған еді. Тіпті «адамды жеп қоятын» қасиеті бар екенін жеткізген еді.
Сені көрсем ұрысқым келіп тұрады. Әйелдер сияқты ұрысу емес. Сені көрген кезде бірден салмақты болып, әр сөзімді ойланып айтқым келеді. Сенің әр іс-қимылыңды сканнерден өткізгендей боламын. Сені мақтайтын жерде мақтап, даттайтын жерде даттап ұрысқым келіп кетеді. Ол сенің мен үшін маңызды адам екеніңді білдіреді, – деген болатын Олжас Абай.
Бұған дейін актриса мінезінің қатал екенін мойындаған еді.
Жалпы мінезім қатал, майда, пәтуәсі жоқ ұрыстарға кірісе бермеймін. Ұрыс болып жатса тоқтатуға тырысамын. Мінезімнің қаталдығы, дауысым да байсалды. Шәңкілдеп айғайлай алмаймын. Не нәрсенің әділ болғанын қалаймын. Жағымпаз мінезділерді суқаным сүймейді. Ешкіні тәте дей бермеймін. Бірақ бірбеткейлігімнің арқасында жетістік болған сияқты, – деп ағынан жарылған еді Бадықова.