RUS
SMARTNEWS.KZ басылымының хабарлауынша, Түркиядағы FETO оппозициялық ұйымының басшысы, президент Режеп Тайып Ердоғанның басты қарсыластарының бірі – Фетхуллах Гүлен қайтыс болды. Аталған жаңалықты "Хизмет" қозғалысы растады.
Ықпалды түрік қайраткері 83 жасында Пенсильваниядағы ауруханада қайтыс болды. Herkul.org басылымында жарияланған ақпаратқа сәйкес, Гүлен 20 қазанда сағат 21:20-да ауруханада қайтыс болған. Басылым "марқұмның дәрігерлері жақын арада мәлімдеме жасайды" деген дерек келтірді.
Фетхуллах Гүлен – түрік ислам уағызшысы және қоғам қайраткері болған. Ол білім беру мекемелерінің, қайырымдылық ұйымдарының, медиа компаниялардың және басқа да жобалардың желісін қамтитын "Хизмет" қозғалысын құрды. Гүленнің идеологиясы дінаралық диалогты, толеранттылықты және білім беру реформаларын белсенді қолдау болды.
2016 жылдың 15 шілдесінде Түркияда "әскери төңкеріс" болды, оны түрік билігі "Гүлен ұйымдастырды" деп айыптаған еді. Уағызшы болған оқиғаға қатысы бар екенін жоққа шығарды.
Бұған дейін Түркиядағы бірқатар басылымдар Гүленнің 2021 жылдың 17 қарашасына қараған түні уланып қайтыс болғанын хабарлаған еді. Алайда кейінірек FETO түрік оппозициялық ұйымы Фетхуллах Гүленнің өлімі туралы ақпарат жоққа шығарған.