RUS
SMARTNEWS.KZ басылымының хабарлауынша, полицейлер мәйіттерді зорлаған мәйітхана күзетшісіне қатысты тергеуді бастады.
Әділет министрлігінің ресми өкілі Талғат Уәлидің айтуынша, күдіктінің сот сараптама орталығымен және оның аумақтық бөлімшелерімен еңбек қатынасы болмаған.
"Ол әділет органдарының қызметкері емес. Келісім бойынша мәйітхананың қауіпсіздігін "Ayat Security" ЖШС жүргізген. Бұл азамат аталған ЖШС-нің мәйітханасының күзетшісі болып жұмыс істеген", – деді Талғат Уәли.
Некрофилияға күдікті азаматқа қатысты "Өлгендердің денесін қорлау" бабы бойынша сотқа дейінгі тергеу жүріп жатыр. Ол үш жылға дейін бас бостандығынан айырылуы мүмкін.
Еске салсақ, Алматыда мәйітхана күзетшісі мәйіттерді зорлап, оны видеоға түсіргені айтылды.
Сондай-ақ оның әріптестері берген сұхбатта күдіктінің жұмыста қандай адам болғанын, тіпті бала зорламақ та болғанын айтқан еді.