RUS
SMARTNEWS.KZ басылымының хабарлауынша, әнші Қайрат Нұртас 4 шілдеде Алматыдан Астанаға ұшқан ұшақ бортында төбелескен. Салдарынан жолаушы жеңіл жарақат алған. Жәбірленушінің есімі – Асылбек Бекқайыров.
Жаңа дерек бойынша әнші жанжалдың неден басталғанын айтып берген.
"Мені досым тойға шақырды. Тойға бара алмаймын дедім. Ол неге келмейсің деп боқтап, басымнан екі рет ұрды. Мен де оны ұрдым. Сосын тыныш отырдым. Бірақ артымнан келіп тағы ұрды. Болғаны осы. Тәртіпті бұзған жоқпын. Мен жәбірленушімін", - деді әнші.
Еске сала кетсек, бұған дейін оның үстінен қылмыстық іс қозғалғаны туралы жазған едік.
Құқық қорғау органдары Қайрат Нұртасқа қатысты Қылмыстық кодекстің 293 - бабының 2-бөлігі – «әуе кемесінің бортында жасалған бұзақылық» бойынша сотқа дейінгі тергеп-тексеруді тіркеген болатын.