RUS
SMARTNEWS.KZ басылымының хабарлауынша, Азамат Сатыбалды үндеу жасады.
Алматыда жеті айдан бері жалақы ала алмай жүрміз деген аниматорлар "Қазақфильм" басшылығына наразылыққа шыққан еді. Олар бес жыл бұрын дайындығы басталған "Алтын адам" анимациялық фильмі толық аяқталғанымен киностудия тиісті төлем жасамағанын айтты. Анимация бөлімінің бас редакторы Ерлан Төлеутай бастаған топ Азамат Сатыбалдыға талаптар қойған еді.
Аталған жайттан соң Қазақфильм президенті Азамат Сатыбалды жағдайдың мән-жайы туралы мақала жариялайтынын айтты. Кейіннен ол Instagram парақшасының Stories бөлімінде бейнеүндеу жасады.
«Ассалаумағалейкүм!
Енді осы апта сәл қиындау болды. Негативке толы болды. Аллаға шүкір! Бұл да бір сынақ қой. Өтеді. Ең бастысы аманбыз.
«Бізді өлтірмейтін нәрсенің бәрі — бізді мықтырақ ете түседі». Әрі қарай жүре береміз. Жұмыс істейміз. Бәріңізді құшақтадым. Аман болыңыздар!», - деді ол.
Сондай-ақ бейнежазбаның астына «Бүлінгеннен бүлдірген алма». Қазақтан асырып кім айтқан. Керемет!» деп жазды ол.
Бұған дейін Азамат Сатыбалды Қазақфильмге тиесілі бос тұрған ғимаратты жалға бергені үшін әріптестерінің сынына қалған еді.