RUS
SMARTNEWS.KZ басылымының хабарлауынша, режиссер Ермек Тұрсынов Мұрат Әуезовтің қазасы туралы әңгімелеп, артынша үкіметтің айналасындағы адамдар жайында сөз етті. Бұл туралы ол Ulysmedia-ның YouTube арнасына берген сұхбатында айтты.
– Мұрат Әуезов! Ол да кезінде бірталай әңгімелерді айтып кеткен адам еді. Оппозициядан өткен ол кісі. Оны да бағаламады, алыстатып жіберген.
Ойлы, көзі ашық тұлғаларды неге өкімет жақындатпайды? Неге оларға микрофон беріп сөйлеткізбейді? Неге ылғи Ертісбаевтар, алаяқтар, босап кеткен иттер жүр айналасында?
Солардан қоршау жасап алады да, төбелестіріп қояды. Өмір бойы қанден иттермен ырылдасып жүреді. Жүйкелері тозады, ақырында бағаланбай кетеді. Олардың дауысы елге жетпейді, өңкей жасанды шешендерді сөйлеткізіп қояды.
Халық аңқау, деңгейі төмен, қараңғы, қайда барып оңайын дегенді Абай айтып кеткен емес пе? Халық сол тобыр, баяғы Абайдың кезіндегі халық. Өзгермеген, табиғаты бұрынғыша, – дейді Ермек Тұрсынов.
Бұған дейін ол министр Аида Балаеваның Мұрат Әуезовті ақтық сапарын Әуезов театрында өткізуге қарсы болғанын айтқанын жазған едік.