Қазақстандықтардың басым бөлігі қолдаған жағдайда АЭС-ті кімдер салады – Тоқаев жауап берді

SMARTNEWS.KZ басылымының хабарлауынша, Тоқаев сайлау учаскесіне келіп, дауыс бергеннен соң журналистер оған сұрақ қойды. 

"Бұл – оңай сұрақ емес. Үкімет талдау жасап, тиісті келіссөздер жүргізуі керек. Бірақ бұл мәселеге менің жеке көзқарасым – Қазақстанда ең озық технологиялары бар әлемдік компаниялардан тұратын халықаралық консорциум жұмыс істеуі керек. Ал қалғанын уақыт көрсетеді", – деді президент.

Бұған дейін Тоқаевтың референдумда дауыс бергені айтылды.