Әйгілі «Тұмарым» әнінің авторы Рамазан Елібаев ауыр дерттен қаза болды

SMARTNEWS.KZ басылымының хабарлауынша, еліміздің еңбек сіңірген қайраткері, белгілі әнші-композитор Рамазан Елібаев дүние салды. 

Рамазан Қабдолдаұлы Елібаев 1947 жылы 4 тамызда Қатонқарағай ауданы Еңбек ауылында дүниеге келген. "Гүлдер", "Алматы әуендері" ансамбльдерінің негізін қалаушылардың бірі. "Гүлдер" ансамблінің құрамында түрлі халықаралық байқаулар мен фестивальдердің лауреаты атанған.

Оның "Тұмарым", "Жаным-ау", "Не пайда?", "Көздер-ай", "Жас ұлан" т.б. әндері ел ішінде кең танылған.

Композитор он бес жылдан бері ауыр дертпен күресіп келген. Осыдан бір жыл бұрын композитордың жақындары көпшіліктен көмек сұраған еді. Ол 3-дәрежелі "паркинсон" дертіне шалдыққанын айтып, миға жасалатын ота үшін қаржы жинап жүргенін айтқан.

Марқұм Рамазан Елібаевтың жаназасы 13 қазанда Астанада шығарылады.