RUS
SMARTNEWS.KZ басылымының хабарлауынша, Балалардың құқықтарын қорғау комитетінің төрағасы Нысымжан Оспанова Астанада 7 сынып оқушысына қырындаған 43 жастағы тарих мұғалімі жайлы түсініктеме берді.
Қылмыстық іс қозғалды. Бұл іс қазір белсенді түрде қаралып жатыр. Барлығы назарда, - деді Оспанова.
Еске сала кетсек, әлеуметтік желіде елордадағы №32 мектеп мұғалімі жетінші сынып оқушысына тиіскені туралы ақпарат тарағаны туралы жазған едік. 1981 жылы туған мұғалімнің оған тиіскенін және WhatsApp арқылы түнде жазып тұрған.
Аталған жағдайға байланысты БАҚ өкілі комитет төрағасынан «Мұғалім жұмысқа тұрар алдында сынақ мерзімінен өтті ме? Егер өтсе, ол кезде өзін қалай ұстады?», деп сұрады.
Ол заңнама жүзінде конкурс бойынша өтті. Ешқандай қайшы дүние болмады. Мұғалімнің тарапынан ерсі әрекеттер байқалмады. Еңбек кодексіне сәйкес, 3 ай сынақ мерзімінен өтіп жатты, бірақ осындай жан-түршігерлік ақпараттар пайда болды. Сәйкесінше, қазір қылмыстық іс қозғалды, - деп түсіндірді Балалардың құқықтарын қорғау комитетінің төрағасы.
Нысымжан Оспанованың сөзінше, балалар мұғалімнің әркеті жайлы ата-анасына шағымданған. Кейін ата-аналар бұл туралы мектепке хабарлады. Айта кетейік, елордадағы 32-ші гимназиядағы 43 жастағы тарих пәнінің мұғалімі 7-сынып оқушыларына қырындады деп айыпталды. Ол мектепте 2024 жылдың 2 қыркүйегінен бастап жұмыс істеген. Тарих пәнінің мұғалімі сынақ мерзімінде болған. Тәртіптік комиссияның шешімі бойынша педагог 30 қыркүйекте ҚР Еңбек кодексінің 14-тармағы 52-ші бабы аясында жұмыстан босатылған.