RUS
Айта кетейік, қазанның 27-сі мен 30-ы аралығында Каспий жағалауынан 300-ден аса итбалық өлексесі табылған болатын. Ал осы аптаның басында тағы 121 өлексе тіркелді.
Гидробиология және экология институтының мамандары бұл жағдайға эпидемия себеп болмағанын алға тартып отыр. Экологтардың айтуынша, су жануарлары ауру жұқтырған жағдайда олар жаппай бір жерде өлуге тиіс еді.
Гидробиология және экология институтының экологы Әсел Баймұқанова зерттелген аналықтардың жартысынан көбі буаз екенін айтты.
«Олардың өлімі табиғи емес, кенеттен болғандай. Өлімнің себебі әртүрлі болуы мүмкін: табиғи (жер сілкінісі, табиғи газ шығуы), техногенді (теңіз аймақтарының ластануы), аурулар (эпидемиялар). Егер эпидемия болса, итбалықтар жаппай бір жерде қырылатын еді, - деді ол.