RUS
SMARTNEWS.KZ басылымының хабарлауынша, әлемдік БАҚ беттерінде Мекке мен Мәдина қалаларында су тасқыны болып жатқаны туралы ақпарат тараған еді. Алайда ол жақтағы тұрғындар мұны жоққа шығарды. Желіде қазақстандық азаматтың Мединадағы көшені көрсеткен видеосы пайда болды.
Видеоны Мәдина мен Меккеде гид болып қызмет етіп жүрген Равиль Құдайбердиев өзінің Instagram желісінде жариялады. Мұнда күн шуағын шашып, көшелердің құрғақ болып тұрғаны көрсетілген.
“Қараңыздар достар, Мәдинада су тасқыны болғанға ұқсап тұр ма? Күн шығып тұр. Міне мынау су тасқыны болмаса.
Батып жатырмыз, көмектесіңіздер! Жаңалықтар порталы бұл видеоны таратыңыздар. Өкінішке орай олар да суға кетіп отыр деген қауесет тартылуда”, – деді автор.
Мекке мен Мәдина тұрғындары ешқандай табиғат апатының болмағанын айтуда. Дегенмен мұндай ақпаратты әлемдік БАҚ таратуда.
Еске салсақ, Мекке мен Медина су астында қалғаны туралы біз де хабарлаған болатынбыз.