RUS
SMARTNEWS.KZ басылымының хабарлауынша, Wildberries & Russ Біріккен компаниясының баспасөз қызметі La Roche-Posay кремінен бензол табылуына байланысты түсініктеме берді.
– Wildberries платформасында ұсынылған өнімдердің қауіпсіздігі мен сапасына үлкен мән береді. Біз сайттағы тауарлардың заңға қайшы келетін түрлерінің бар-жоғына үнемі мониторинг жүргіземіз.
Маркетплейс Роспотребнадзордың (Ресей тұтынушылардың құқықтарын қорғау агенттігінің) хатын алған соң, ішкі тексеріс жүргізіп, нәтижесінде аталған өнімнің карточкаларын бұғаттады.
Біз мемлекеттік органдар мен қоғамдық ұйымдардың өтініштеріне әрдайым жедел жауап береміз, тауарларға қатысты ішкі тексерулер өткіземіз және қандай да бір заңбұзушылық анықталған жағдайда, дереу шара қолданамыз, - дейді компания баспасөз қызметінің өкілі.
Маркетплейстің оферта шартын қабылдай отырып, сатушылар өз өнімдерінің Ресей Федерациясының заңдары мен платформаның ережелеріне толық сәйкес екенін растайды. Бұл ережелерге сәйкес, сатушылар тауар карточкасында өнімнің тұтынушылық қасиеттері туралы толық ақпарат көрсетуі және тауар санатына қарай оның міндетті талаптарға сәйкестігін дәлелдейтін құжаттарды ұсынуы керек. Сондықтан кейбір санаттар бойынша тауар карточкасын жасау кезінде тиісті құжаттарды қоса тіркеу міндетті.
Бұған дейін Wildberries маркетплейсінде сатылатын кремдерден «рак» тудыратын заттар табылғаны туралы жазған едік.