RUS
SMARTNEWS.KZ басылымының хабарлауынша, Астанадағы тұрғын үй кешендерінің бірінде қыз өзіне қол жұмсамақ болған деген күдік бар. Ол биіктен секіруге әрекеттенген, бірақ дер кезінде көмек көрсетіліп, аман қалды.
Оқиға куәгерлерінің айтуынша, бойжеткен тұрғын үйдің жоғарғы қабатындағы парапетке шығып, секіруге оқталған. Қорқып қалған тұрғындар дереу төтенше қызметке хабар беріп, қызды райынан қайтаруға тырысқан. Қызға дер кезінде көмек көрсетіліп, секіру райынан қайтарып, аман қалды.
Еске сала кетейік, бұған дейін Алматыда да осындай жағдай болған еді. Қаланың «Райымбек» тұрғын үй кешенінде 18 жастағы қыз 9-қабаттан құлап, тірі қалған. Куәгерлердің айтуынша, бойжеткен іш киіммен ғана болған және қатты айқайлап, ауырсынған.
Оқиға орнына жиналған тұрғындар қызды көрпемен жауып, жедел жәрдем келгенше алғашқы көмек көрсеткен. Кейін ол ауыр жарақаттармен ауруханаға жеткізілді.
Алдын ала деректер бойынша, қыз құрбысымен бірге алкоголь ішкен және мас күйде болған. Жетісу аудандық полиция басқармасы бұл дерек бойынша «Өзіне қол жұмсауға итермелеу» бабымен іс қозғады.