Қазақстанда қыс қаһарына мінеді: 23 қазанда қай қалаларда қар, боран және көктайғақ болады?

Солтүстік және орталық өңірлер

Петропавлда күн құбылмалы бұлтты болып, жауын-шашын жаумайды. Түнде жел екпіндейді. Күндіз ауа температурасы +1…+3 градус, түнде -3…-5 градус болады.

Қостанайда жауын-шашынсыз, аз бұлтты ауа райы күтіледі. Күндіз +5…+7 градусқа дейін жылынса, түнде -1…-3 градус болады.

Көкшетауда күн құбылмалы бұлтты болады. Түнде және таңертең, негізінен қар түрінде, аздаған жауын-шашын жауады. Түнде жел екпінді соғады. Күндіз ауа температурасы +1…+3 градус, түнде -2…-4 градус шамасында болады.

Павлодарда күн бұлтты болып, негізінен қар жауады. Көктайғақ та күтіледі. Күндіз температура 0…+2 градус, түнде -1…-3 градус болады.

Қарағандыда күн құбылмалы бұлтты болып, кей уақытта қар жауып, көктайғақ болуы мүмкін. Күндіз ауа температурасы 0…+2 градус, түнде -3…-5 градусқа дейін төмендейді.

Жезқазғанда жауын-шашынсыз, құбылмалы бұлтты ауа райы болжанып отыр. Күндіз +6…+8 градус, түнде -2…-4 градус болады.

Шығыс Қазақстан

Өскеменде күн бұлтты болады. Негізінен қар жауып, боран соғуы және көктайғақ болуы ықтимал. Таңертең және күндіз жел екпіндейді. Күндіз де, түнде де ауа температурасы 0…+2 градус шамасында болады.

Семейде күн бұлтты болып, негізінен қар жауады. Боран соғып, көктайғақ қалыптасуы мүмкін. Жел де екпінді болады. Күндіз температура +1…+3 градус, түнде -1…-3 градус аралығында болады.

Батыс өңірлер

Оралда күн құбылмалы бұлтты болып, жауын-шашын күтілмейді. Күндіз ауа температурасы +13…+15 градусқа дейін көтеріліп, түнде 0…+2 градус болады.

Атырауда күн ашық, жауын-шашынсыз болады. Күндіз ауа +17…+19 градусқа дейін жылынса, түнде +6…+8 градус шамасында сақталады.

Ақтөбеде аз бұлтты, жауын-шашынсыз ауа райы болжанып отыр. Күндіз +10…+12 градус, түнде -1…-3 градус болады.

Ақтауда күн құбылмалы бұлтты болғанымен, жауын-шашын жаумайды. Күндіз ауа температурасы +20…+22 градусқа дейін жетеді. Түнде +8…+10 градус болады.

Оңтүстік өңірлер

Таразда күн құбылмалы бұлтты болып, жауын-шашын күтілмейді. Күндіз жел екпіндейді. Ауа температурасы күндіз +10…+12 градус, түнде 0…+2 градус болады.

Шымкентте де жауын-шашынсыз, құбылмалы бұлтты ауа райы болжанған. Күндіз жел екпінді соғады. Температура күндіз +16…+18 градус, түнде +3…+5 градус болады.

Түркістанда күн құбылмалы бұлтты, жауын-шашынсыз болады. Күндіз екпінді жел соғып, ауа температурасы +15…+17 градусқа дейін көтеріледі. Түнде +2…+4 градус болады.

Қызылордада жауын-шашын күтілмейді. Алайда күндіз шаңды дауыл соғып, жел екпіндейді. Күндіз ауа температурасы +13…+15 градус, түнде +1…+3 градус шамасында болады.

Қонаевта күн құбылмалы бұлтты болып, жауын-шашын жаумайды. Күндіз +8…+10 градус, түнде 0…+2 градус болады.

Талдықорғанда күн бұлтты болып, аздаған жаңбыр мен қар жаууы мүмкін. Күндіз ауа температурасы +5…+7 градус, түнде -1…-3 градус болады.

Алматы мен Астана

Алматыда күн құбылмалы бұлтты болады. Түнде жаңбыр мен жылбысқы қар жауып, тұман түсуі мүмкін. Күндіз ауа температурасы +8…+10 градус, түнде 0…+2 градус болады.

Астанада жауын-шашын күтілмейді, күн құбылмалы бұлтты болады. Күндіз ауа температурасы 0…+2 градус шамасында сақталып, түнде -2…-4 градусқа дейін төмендейді.