RUS
Ағымдағы жылдың 2 қарашасында Қазақстан Республикасының Сауда және интеграция министрлігінде Тұтынушылардың құқықтарын қорғау комитетінің алқа отырысы өткізілді, онда ағымдағы жылдың 9 айындағы жұмыс нәтижелері бойынша баяндалды.
Жетекшілік ететін бағыттар бойынша Комитет төрағасының орынбасарлары баяндама жасады.
Төрағаның орынбасары Булат Танабергеновтің айтуынша, осы кезеңде өтініштердің өсу қарқыны 159% - құрап, тұтынушылардан өтініштерінің саны 33 мыңға жетті.
Ең жиі бұзылған салалар бөлшек және электрондық сауда, тұрмыстық қызметтер, тұрғын үй-коммуналдық шаруашылық, сондай-ақ байланыс қызметтері болды. Электрондық сауда өтініштердің 3 еседен астам әсерлі өсуін көрсетіп, осы мәселенің өзектілігінің артып келе жатқанын айғақтады. Ағымдағы жылдың өткен кезеңінде келіп түскен өтініштердің жалпы санынан 15 мыңнан астам тұтынушының немесе 46,2% - ның құқықтары түсіндірілді, 11 мыңнан астам тұтынушының немесе 34,8% - ның талаптары қанағаттандырылды.
Бұл ретте, тұтынушыларға 800 млн. теңгеден астам қайтарылды, бұл өткен жылдың сәйкес кезеңімен салыстырғанда өсімнің 150% -. құрайды.
Сондай-ақ, мемлекеттік бақылаудың 403 нысаны жүргізілді, бұл өткен жылмен салыстырғанда 3,4 есе көп.
Бұдан басқа, Министрліктің ахуалдық штабы шеңберінде сапасыз және қауіпті өнімді анықтау мақсатында Тұтынушылардың құқықтарын қорғау жөніндегі қоғамдық бірлестіктердің қатысуымен жыл басынан бастап барлық өңірлерде Ұлттық сараптама орталығының өкілдерімен бірлесіп импортталатын сүт өнімдерін, құс еті, шұжық өнімдерін, ірімшікті, сары майды, күнбағыс майын іріктеу жүргізіп сараптамаға ұсынылды.
Бірлескен жұмыс нәтижелері бойынша сүт өнімдерінің 55 түрі (сүт, кілегей, айран, май, күнбағыс майы, сүзбе, ірімшік) зерттелді. Сондай-ақ ет өнімдерінің 26 түрі (құс еті, балық еті, шұжық өнімдері) зерттелді.
Жұмыс қорытындысы бойынша тамақ өнімдерінің сәйкестігі туралы 63 декларацияның күші жойылды. Аумақтық департаменттерде сатып алынған тамақ өнімдерінің ең көп саны: Шымкент – 16, Алматы облысы – 12, Алматы қаласы - 11, СҚО - 10.
Аумақтық департаменттердің БАҚ-пен жұмысына қатысты, тұтынушылардың құқықтары мен оларды қорғау туралы жұртшылыққа белсенді түрде ақпараттық білім беруіне қатысты, - Төрағаның орынбасары Серік Құсайынов атап өтті.
Аумақтық департаменттердің жұмысын бағалау ағымдағы жылдың 9 айындағы жұмыс нәтижелерінің қорытындысы бойынша Алматы қаласы, Астана қаласы және Павлодар облысы көшбасшы болғанын көрсетті. Төмен көрсеткіштер Абай облысы, Түркістан облысы және Жетісу облысы.
Төраға Тынысбеков Асқар Комитетке сапасыз және қауіпті өнімдерді анықтау бойынша Министрліктің ахуалдық штабы шеңберінде қоғамдық бірлестіктермен бірлесіп жұмысты жалғастыру міндетін қойды. Ішкі нарықта азық-түлік қауіпсіздігін қамтамасыз ету мақсатында Сауда және интеграция министрі жариялаған «Сапалы Өнім» қоғамдық қозғалысының жұмысын жандандыру. Тұтынушылардың өтініштерін сапалы және уақтылы қарау мәселесін тұрақты бақылауда ұстау.