RUS
SMARTNEWS.KZ басылымының хабарлауынша, Ауруханада медициналық құралдарды бүлдірді деп айыпталған әнші Алтынбек Тәшімбетов бостандыққа шықты. Бұл туралы Stan.kz жазды.
Өнер иесі қиын сәтте жанынан табылған жандарға алғыс білдірді.
“Қайырлы күн, достар! Міне, Алматы қаласы полиция департаментінің алдында тұрмын. Өзіме тағайындаған жазаны минутына дейін өтеп шықтым. Сіздердің қолдауларыңызға мың алғыс! Әншілер де – адам. Заң бәріне ортақ. Кейбір адамдар “Әншілерге сот жоқ, амалын тауып жазадан құтылып кетеді” деп жатыр екен. Оның бәрі жалған. Темір тордың ар жағында отырып, түрлі тағдыр иелерін көрдім. Аман болайық!”, – деп жазды әнші.
Айта кетейік, өнер иесі оқиғаның қалай болғанын айтып беріп, медбикеге тиіспегенін жеткізді.
“Медбикеге қолымның ұшын да тигізбедім. Жалаңаш күйде күтіп отырғаныма ашуланып, медициналық көмек дер кезінде көрсетіле қоймаған соң терезесін бүлдірдім. Оны жөндеп беруге уәде беремін. Ешкімнің басын жарып, көзін шығармағаным ескеріліп, айыппұл есебінде айыбымды өтейтін болармын деп үміттеніп отырмын. Мен өз кінәмды мойындаймын”, – деген еді эстрада жұлдызы.