RUS
SMARTNEWS.KZ басылымының хабарлауынша, белгілі сценарист, жазушы Перизат Мырзахмет өзін Дулат Исабековтың кездесуге шақырғанын айтып, қуанышты жаңалығын бөлісті.
Блогердің айтуынша бәрі аяқ астынан, ойламаған жерден болған.
“Осыдан бір апта бұрын бөтен нөмір хабарласып керемет жаңалық айтты. Кездесуге шақырды. Хабардан толқығаным сонша бір апта дұрыс ұйықтай, ойлай алмадым”, – дейді Перизат Мырзахмет.
Сөйтсе белгілі жазушы, драматург Дулат Исабеков Перизат Мырзахметтің бір подкастта сөйлегенін көріп, онымен кездескісі келетінін айтқан екен. Осылайша, бұл хабарды естіген Перизат алып-ұшып Астанадан Алматыға жеткен.
“Осы Перизат болуымның талғам мен таңдауымның құралуына себепкер атам. Жазуымен жан емдеген, ой сұлулығымен биікке ұмтылдырған атам” – деді блогер.
Дулат Исабеков пен жаз қаламгер біраз шүйіркелескен. Тіпті өзіне оқырманы жиі қоятын Исабековтың әңгімелеріне қатысты сұрақтарды жазушының өзіне қойған. Ал Исабеков болса “40 жыл бойы осы сұрақтардан жалықтым” деп күлдірген.
