Трамп АҚШ президенттігіне үшінші рет сайланғысы келетінін айтты
АҚШ президенті келесі сайлауға да қатысқысы келетінін мойындады.
SMARTNEWS.KZ басылымының хабарлауынша, АҚШ президенті Дональд Трамп тағы бір рет президенттік сайлауға қатысқысы келетінін мәлімдеді. Алайда ол ел Конституциясында бір адамның президент болып сайлану мерзіміне шектеу қойылғанын мойындады.
Дональд Трамп The Washington Post басылымына арналған «Pod Force One» подкастына қатысып, президенттікке қайта үміткер болу мүмкіндігі туралы пікір білдірген.
«Егер ондай мүмкіндік болса, мен қайтадан сайлауға қуана қатысар едім. Бірақ Конституциядағы тұжырым өте қатаң», – деді АҚШ президенті.
Ол бұл сөзінде АҚШ Конституциясына енгізілген 22-түзетуді меңзеген. Аталған түзетуге сәйкес, бір адам АҚШ президенті болып екі реттен артық сайлана алмайды.
Бұған дейін Трамп Конгреске аралық сайлауда демократтар жеңіске жеткен жағдайда қандай әрекет жасайтыны туралы айтқан еді. Сондай-ақ ол үшінші президенттік мерзімге сайлану мүмкіндігін де жоққа шығармаған.
Материал авторы
