RUS
«Біз саяси көкжиекті шектеудің, Палестина халқын өз тағдырын өзі шешуге және мемлекет құруға заңды құқығын жүзеге асыру мүмкіндігінен айырудың салдары туралы бірнеше рет ескерттік. Сондай-ақ, күнделікті арандатушылық пен шабуылдардың, қоныстанушылар мен басқыншы күштердің тоқтаусыз лаңкестік әрекеттері, әл-Ақса мешіті және христиандар мен мұсылмандардың қасиетті орындарына жасалған рейдтердің салдары туралы да ескертілді», - делінген мәлімдемеде.
Министрліктің ресми мәлімдемесінде Палестинада қауіпсіздік, тұрақтылық және бейбітшіліктің қалай қамтамасыз етілетіні айтылған.
«1967 жылғы астанасы Шығыс Иерусалим болған Палестина мемлекетінің жеріне Израиль басқыншылығы аяқталып, халықтың тәуелсіздік пен егемендік құқықтары мойындалғанда біздің аймақта қауіпсіздік, тұрақтылық және бейбітшілікті қамтамасыз етіледі.
Израильдің қол қойылған келісімдерден бас тартуы және халықаралық заңдылық резолюцияларын сақтамауы бейбітшілік процесінің күйреуіне, 75 жыл азап пен көшіп-қонуға ұшыраған Палестина мәселесінің шешімін таппауына және қос стандарт саясатының жалғасуына әкелді. Халықаралық қауымдастықтың Израиль басқыншы күштерінің Палестина халқына қарсы қылмыстық және нәсілшілдік әрекеттеріне қатысты үнсіз қалуы және палестиналықтардың осы күнге дейін көріп келе жатқан әділетсіздігі мен қысымы жағдайды қатты ушықтырып, тыныштықтың бұзылуына себеп болды. Бейбітшілік процесі Палестина халқы үшін әділеттілікті, еркіндік пен тәуелсіздікті, босқындардың қайтарылуын және халықаралық заңдылыққа сәйкес қарарлардың толық орындалуын талап етеді», - делінген Палестина мемлекеті Сыртқы істер және экспатрианттар министрлігінің мәлімдемесінде.